BUSY-BUSYHAN

Posted by haibane at 04:52 PM on August 22, 2008.

Ilang buwan ko na ring hindi napapalevel ang dalawa kong characters sa Flyff Online (Philippines) na nakikita nyo sa taas - si Alexis Machine at ang kasintahan niyang si Gengenaya. Tumigil muna sa level 63 si Alexis Machine samantalang level 50 naman si Gengenaya. :3

• Napa-iskedyul ako (kasama sina Mhelayne, Jayson, Mhelvin, Jess at Cusi) na mag-report nitong nakaraang buong Midterms sa sabdyek namin na Operating Systems. Tatlong chapters and coverage ng report (Chapters 4 - 6 ng libro ni William Stallings) na tinapos namin sa loob ng mahigit-kumulang na tatlong linggo; ang mga topics na pinag-aaralan ay tungkol sa Threads, Symmetric Multi-Processing (SMP), Microkernels, Mutual Exclusion, Concurrency, at Deadlock. Naubos ang maraming oras ko sa paghahanda ng powerpoint presentations at sa pagpapaliwanag sa mga kagrupo ko ng kanilang bahagi; nakakapagod din kaya salamat at hindi na kami kasama sa quiz at eksams ngayong Midterms.
• Natapos na rin ako (kasama naman sina Jayson, Jess, at Gendy) sa report ko sa Software Engineering, na tungkol naman sa Software Prototyping. Tama lang ang nangyari kay Gendy nung nasabon siya ni Mam Felizco. Sana naman ay matuto na siyang mag-seryoso sa lahat ng mga responsibilidad na iniaatang sa kanya.
• Isang report na lang ang hinihintay ko. Malamang ay ngayong semifinals ang iskedyul ng report ko kay Dean sa sabdyek namin na Computer Engineering Laws and Ethics.

• Heto nga pala ang ilan sa mga grado ko sa eksams nitong nakaraang Prelims at Midterms:

• 99 - Operating Systems (Prelims)
• 99 - Computer Systems Organization (Midterms)
• 99 - Software Engineering (Midterms)
  
• 98 - Computer Engg Laws and Ethics (Prelims)
  
• 96 - Computer Systems Organization (Prelims)
• 96 - Software Engineering (Prelims)
• 95 - Project Design Chapter One (The Problem and Its Setting)
  
• 78 - Digital Communication (Prelims)
• NA - Operating Systems (Midterms) - exempted

Hindi na ako masyadong naka-focus sa academics ko ngayong semestre dahil sa sigurado naman na hindi na ako kasama sa Dean's List (at wala na ring Scholarship) sa susunod; pero siyempre maganda pa rin sa pakiramdam ang makakuha ng matataas na marka sa mga eksams na darating pa, at eventually sa final grade. Mas nakatutok ako ngayon sa pag-eenjoy ng aking natitirang isang taon sa kolehiyo at sa Project Design. Well-deserved ang 95 sa Chapter One na pinaghirapan kong isulat at inasikaso ng walang katulong sa loob ng isang linggo. Dalawang araw ko namang ginawa ang Chapter Two (Review of Related Literatures and Studies) nitong nakaraang Martes at Miyerkules. Sa grupo namin (Mhelvin, Erwin, Jayson C., Catapi), si Mhelvin lang ang naaasahan ko sa ngayon kapag may mga kailangang gawin. May mga konting isyu pa na kailangang masusing pag-aralan - kung pwede ba na i-network ang prototype namin sa database ng University, kung papano ikakabit yung coin slot mechanism sa system at kung kailangan pa ba ng microcontroller, at kung anong software ang gagamitin para sa prototype. Wala pa rin kaming project consultant sa ngayon kaya talagang nangangapa pa ako, lalo na't wala akong makitang related study na pupwede sana naming kunan ng impormasyong o gawing pattern para mabuo yung prototype.

---

• Marami ring activities sa ICpEP ngayong July - August. Natapos ang orientation sa mga aplikante (26), apat na linggong signing process, Family Day Out (Aug 2), Deliberation (Aug 7), at Informal Acceptance sa Villa del Prado, Sariaya (Aug 15-16). 15 silang hindi nag-quit at nakapasa sa lahat ng mga pagsubok.
  

∞ Nung Family Day Out, nabulilyaso ang Amazing Race dahil sa pagkakamali namin sa paglalagay ng mga clues sa sobre; mabuti na lamang at nagkaroon pa ng pagkakataon ang mga Mouse na ipagpatuloy ang race kinahapunan. As usual, nagkaroon din ng individual at group talents, games para sa kanila, at picnic. Naidaos naman ang event kahit magulo at inabot na ng pagkulimlim ng langit. Sana lang ay nag-enjoy ang mga aplikante namin kahit papano kasi para sa kanila talaga ang araw na iyon. At sa mga miyembro na pumunta lamang dahil meron silang mapagtritripang mga Mouse, hetong sa inyo: ..l..

∞ Hindi rin nakahanda ng mabuti ang Informal Acceptance, gumawa na lang ng paraan ang mga taong nagmamalasakit (Jayson A., Dhino, Ahyience). Magulo ang marathon at ang karamihan ng mga kasalukuyang miyembro ng org (na walang ibang alam na gawin kundi ang magpasikat). Marami ring pa-epek na hindi naman malaman kung para saan. May mga dumating pa na mga asungot na eh mang-aagaw pa ng pagkain ng mga Mouse. Mabuti na lamang at kahit papano'y naging masaya ang mga games at naging tahimik naman ang proseso ng acceptance. Mabuti na lang rin at mayroong basketball court at swimming pool sa Villa del Prado - mga bagay na nagpapasulit ng PhP 300/450 (Member/Mouse) na ambagan.

Congratulations! kina:

Aborde, Mark John
Bernaldez, Genesis
Cabreros, Annie
Capale, Louielyn
Envase, Neil Alvin
Linao, Roel Patricio
Natividad, Arnel
Origenes, Michael
Pardilla, Gian Carla
Perez, Jenjen
Permejo, John Martin Paolo
Pipit, Jonathan
Ragudo, Angelito
Rivera, Shielly Roi
Tan, Robert
Victa, Carla Mayne

Hinihintay na lamang ang Formal Acceptance sa Aug 28. May pagalingan ulit sa talent ang mga bagong miyembro ng bawat academic organization sa Engineering Department. Sasabitan din ulit ako ng medalya. :3

• Salamat sa halos isa't kalahating linggong bakasyon (Aug 17-26); nabigyan ko naman  ng panahon ang iba pang mga bagay bukod sa iskul. Refreshed at panibagong umpisa ulit ng kasipagan sa Miyerkules na parating.

• ETC.  Di ko na magamit dito sa Tabulas ang paborito kong font size. Hindi ko alam kung bakit. Kaya heto na muna gagamitin ko - Georgia font size 2. ^^; Tsaka nga pala, congratulations sa Brgy. Ginebra Kings sa pagiging kampiyon nila ngayong PBA Fiesta Cup. Woohoo! :3 Congratulations kay Chris Alexander para sa kanyang Best Import Award at kina Eric Menk at Ronald Tubid para sa kanilang pagiging Finals MVPs. Yeheeey!
  

• Happy Birthday kina Nikka (May 7), EJ (June 19), Jonie (June 20), Junnell (June 21), Anesca (June 23), Mhelayne (July 3), Star (July 16), Mamilou (August 5), Clang (August 10), Elizabeth (August 11), Ate Syeri (August 15), Mhelvin (August 16), at Rechie (August 21).

• "When lovers ask God for help for them to become closer, God gives them opportunities." Ok na ulit kami ng bebe ku. At mas naging happy pa ngayon, kahit na patuloy pa rin ang problema sa distansya. ^^

Sinusubukan ko naman sa ngayon ang Angels Online (Int'l). Say hello to Genkun. :3

Sabihin Mo?

CONCERNS OF JULY 22

Posted by haibane at 03:12 AM on August 10, 2008.

• 6 am. Maaga akong gumising dahil may importanteng lakad. Naligo, nag-toothbrush, at inihanda ang sarili sa biglaang pagbisita kay Aya. Malamig pa ang simoy ng hangin, sumakay na ako ng tricycle para makarating agad sa Grand Central Terminal. 20 pesos.
  
• Pasahero ako ng Jac Liner, suki kapag ganitong mga sitwasyon, nagsimula ang biyahe ko papuntang Guadalupe. Balak ko kasi na bumaba na agad sa unang MRT station na madaraanan. Eh dahil hindi ko memoryado (mahina ako sa hiyograpiya), Guadalupe ang una kong nasambit sa konduktor. 178 pesos.
• 1030 am. Hindi sa mismong MRT station ng Guadalupe ako pinababa. Nakapaglakad pa tuloy ako ng ilang daang metro din.
• Lulan naman ng MRT, tumungo ako sa Ortigas Station. Text kasi ni Aya na doon na lang daw kami magkita, imbes na doon na agad sa Trinoma. 11 pesos.
• Sa SM Megamall ako pinaghintay ng bebe ko. May klase pa sila sa UST ng mga oras na iyon kaya mahigit isang oras din akong naglibot muna.
• 1230 pm. Napagod rin ako sa paglalakad kaya dumiretso na agad ako at tumambay na sa Wendys.
• 1 pm. Dumating na rin siya sa wakas. Kasama niya sina Sese at Paul. Ang sarap naman ng unang bati niya sakin, lumapit siya at hinaplos agad ang aking pisngi habang nagsosori dahil naghintay ako ng matagal. Pagkatapos noon ay kumain na kami ng tanghalian, #2 at #7 ang aming inorder, nagpakabusog sa burger, fries at drinks. 412 pesos (100 galing kay Aya).
• Pagkatapos kumain, dahil ayaw pa niyang umuwi, nagpalipas kami ng oras sa mga art galleries na nasa top floor ng Megamall. Namangha kami sa photorealisitc na acrylic paintings, sa mga laces ni Teresista Duldulao na noon ay may exhibit, sa The Crucible, at sa The Heritage kung saan nakakita pa kami ng lumang music sheet ng UST alma mater song na binibenta sa halagang 50 pesos lamang.
• Bumili naman si Sese ng dalawang compass. Ewan ko kung para saan niya gagamitin. :3
  
• 230 pm. Humiwalay na kami ng bebe ko dahil pareho nang pagod ang aming mga binti. Nag-MRT kami papuntang North Avenue - Trinoma (22 pesos), nag-dyip hanggang Project 6 (16 pesos) at nag-tricycle pauwi sa bahay nila (20 pesos). Ang init talaga sa Maynila kaya tagaktak ang pawis namin.
  
• Sa natitira naming mga oras na magkasama, ipinakilala ni Aya ang kanyang Macbook. Inubos namin ang apat na oras sa Internet at YM (nang-away siya ng kaklase), chess (na parang dama na ang laro), soundtrip, at pagtingin ng mga photos na kinuha nya.
• Naghapunan muna ako sa kanila siyempre bago umuwi kahit na nahihiya pa rin talaga ako.
• 8 pm. Dahil gabi na, nag-taxi na ako papuntang istasyon ng Jac Liner sa Kamias (150 pesos). Nagulat nga ako sa presyo (nung umpisa ay gusto pa nga ni manong driver na 250 pesos) pero dahil nagmamadali, pumayag na ako dun sa huling presyo. Badtrip pero hinayaan ko na lang; halatang halata naman ang effort ni manong sa pagkwekwento ng kung anu-ano para maibsan ang tensyon pero wa epek. Bumaba na lang ako ng taxi agad agad pagdating sa istasyon.
  
• Lulan na ulit ako ng bus na aircon. Grabe ang sakit ng likod at problemado. Ayaw ko pang bumalik sa Lucena pero kahit malungkot ay kailangan nang umuwi. 224 pesos.
• 11 pm. Nakakagulat ang blis ng biyahe. Naka-idlip din ako ng kaunti sa bus. Pagdating sa Lucena, nag-tricycle na ako pabalik ng bording haws (50 pesos). Pumasok na ako ng kuwarto, nagbihis sandali, uminom ng tubig at humiga na sa kama. Natapos ang July 22 nang ganun lang. Bitin na bitin kahit pagod. Ipinikit ko na ang mga mata ko para makapagpahinga, hindi alam na kinabukasan ay pagpipiyestahan ng mga kaklase ko ang kwento ng pagpunta ko sa Maynila. Maaasar ako pero magtitimpi na lamang kasama ang pagngiti.
  

1 ang dumaan